*كيفاش سيدة عندها ملف نصب عندو 20 عام، دازت من المقدم، والشيخ، والقايد، والعمالة، والولاية، ووزارة الداخلية، والأمانة العامة للحكومة، والديوان الملكي، و تعينات وزيرة؟*
20 عام!
20 عام و الملف كاين. 20 عام و السيدة كتطلع درجة بدرجة. من نصّابة صغيرة ديال البقع، ل نصّابة كبيرة ديال الوزارة.
يعني إلا كانت كتقلب على خدمة فشركة، كانو غادي يطلبو ليها “حسن السيرة” و ما غاديش يدوزوها. و لكن باش تولي وزيرة، ما كاين لا حسن سيرة لا والو!
*الاحتمال الأول: ما كانوش عارفين.*
إلا كانو ما عارفينش، راه المصيبة كبيرة. كتعني أن أجهزة الدولة اللي كتعرف شكون كيكتب كومنتير ففيسبوك، ما عارفاش أن وزيرة عندها ملف نصب عندو 20 عام! كتعني أن الفيلتر اللي كيدوزو منو الوزراء مخروم كتر من الطريق ديال الحوز.
*الاحتمال الثاني: كانو عارفين وساكتين.*
و هادي هي المصيبة الأكبر. عارفينها نصّابة و خلاوها. علاش؟ حيث كانت خدامة؟ حيث كانت كتقضي الغرض؟ حسب مراقبين و تعليقات و منين سالا الغرض، جبدو ليها الملف ديال 2005 باش يطيحوها؟
يعني النصب ماشي هو المشكل، المشكل هو أنك ما بقيتيش صالحة للنصب!
*الحقيقة اللي خاصنا نعرفو:*
حنا ما عندناش مشكل فاختيار الوزراء، عندنا مشكل فـ “تاريخ انتهاء الصلاحية” ديالهم.
كيخليو الوزير يخدم، ينهب، يدير الفيلا، و منين كتخناز الريحة و كيبدا الشعب يهضر، كيجبدو ليه ملف عندو 20 عام و كيقولو: “شوفو، حاربنا الفساد! عزلنا الوزيرة النصّابة!”
لا، ما حاربتوش الفساد، حاربتو الفضيحة!
*و فين الاستباق و الاستشعار ؟ في عز الربيع العربي وفي الانتخابات البرلمانية كتبت جريدة الصباح عن أول مرشح شاب يدخل المنافسة و سط الديناصورات الفاسدة من برجوزاية الحرب الذين لم يطلقون رصاصة واحدة ، وتبين أن المقال ماشي ديال أصحاب الحال و لكن ديال الكبة الغاملة وفي سنة 2026 حاولوا مجددا ولكن باطلاق اشاعة على ” حزب الفيل ” ليلة التصويت من صفحة مجهولة لازالت السلطات المختصة لم تقعل المسطرة و تحدد المسؤول عن هذه الجريمة باقليم طانطان ؟
جلالة الملك كيقول: اختارو الكفاءات. هما كيفهموها: اختارو أصحاب الملفات، باش النهار اللي يبغيو يطيروهم، يلقاو السبب واجد.
20 عام ديال النصب باش تولي وزيرة، و 24 ساعة باش تطير!
هادي هي “الدولة الاجتماعية”: كتعطي فرصة تانية للنصّاب، و ما كتعطيش فرصة أولى للمواطن.
*السؤال الأخير:*
إلا كانت هادي عندها 20 عام ديال النصب و ولات وزيرة، شحال عند لاخرين اللي باقيين فالحكومة؟ 30 عام؟ 40 عام
الله يستر وصافي.
اباعمران