مشكلتنا حنا المغاربة هي القلة القليلة ديال الناس القارية والواعية ولي باغا الخير والصلاح لهاد لبلاد حاصلة وسط واحد الكتلة ديال الزومبي كتبيع صوتها بربعلاف وكتصوت على الجلاد ديالها وماتقدرش تقنعها بالعكس ..
الديمقراطية فبيئة هرگاوية كتولي هي سلطة الأغلبية الجاهلة على الأقلية الواعية ولكن المؤسف هو هاد الزومبي منزلوش علينا من الفضاء هذا منتوج خالص ديال منظومة التعليم اللي دمراتها الدولة عن قصد وعبر عقود !
التعليم فالمغرب تبرمج باش يفرخ لينا كائنات ساهلة فالسريح والترويض كائنات مكاتفكرش مكتعيقش و العام لي جا يصوگوها كيف بغاو حيت فاش كيتخرب قطاع حيوي بحال هذا كيكون ساهل على هاد الفراقشية لي نازلين دبا للشارع يگيدو هاد الكثلة كيف بغاو والخاسر الاكبر هو انت لي حاصل الوسط وكتحرگ فدمك بالفقصة ..
كيفاش باغي تكون متفائل وانت كتشوف 5 سنين اخرى جاية غضيع منك بنفس التسيير و العشوائية .. دولة كتفسد التعليم 
التعليم كيخرج شعب هرگاوي هرگاوة كيبيعو صوتهم لأحزاب فاسدة الأحزاب الفاسدة كتحافظ على نفس السيستام لي انت باغي تحاربو .
التعليم كيخرج شعب هرگاوي هرگاوة كيبيعو صوتهم لأحزاب فاسدة الأحزاب الفاسدة كتحافظ على نفس السيستام لي انت باغي تحاربو .فاش كتشوف هاد المكينة كيفاش خدامة كتفهم باللي التغيير من الداخل هو مجرد وهم وهاد القلة الواعية غاتبقى تغوت من وسط المعمعة ولكن صوتها بعيد ممسموعش والبلاد غاتبقى واقفة فنفس العگبة حيت الحمار فاش كيولف البردعة كتولي تبان ليه الحرية خيانة !