الـجـنـدي ده اسـمـه راز كوهين، عـنـده 26 سـنـة، مـن سُـكّـان الـقـدس، تـخـيّـل إن الـراجـل ده باع لإيران أسرار عن القبة الحديدية مقابل ألف دولار بس!
طيب إيه اللي حصل بالظبط؟ 
الجندي ده كان شغال في منظومة الدفاع الجوي اللي هي “القبة الحديدية”، ودلوقتي متهم رسميًا إنه اشتغل جاسوس لصالح المخابرات الإيرانية، وسرّبلهم معلومات حساسة جدًا عن عمليات المنظومة، وأماكن عسكرية، وحتى أسماء مسؤولين أمنيين.
المفاجأة اللي كشفتها التحقيقات إن كوهين كان على تواصل مع عملاء إيرانيين شهور طويلة، وينفذ مهام واحدة ورا التانية، في صمت تام لحد ما اتقبض عليه مع بداية الحرب، والقصة كلها كانت متكتّم عليها لحد ما انفجرت النهارده في محكمة القدس.بس اللي صدم الإسرائـ.ـيـلـيـ.ـن مش الاختراق نفسه على قد التمن!
تخيّل أهم منظومة بتحمي إسرائـ.ـيل من الصواريخ اتباعت مقابل عملات رقمية قيمتهم حوالي 1000 دولار!
وعشان كده القضية دي هتخلّي أي حد هناك يفقد الإحساس بالأمان والعيش، وبتكشف كمان عمق الاختراق الاستخباراتي الإيراني جوه إسرائـ.ـيل.
ولو متعرفش، في يناير اللي فات، كان فيه اتهامات مشابهة اتوجهت لجنود تانيين والتقارير بتقول إن فيه شبكات تجنيد شغالة أونلاين، بتستهدف العسكريين الحاليين والسابقين، وتغريهم بالفلوس.السلطات الإسرائيلـ.ـية وجّهت لكوهين تهم مساعدة إيران وقت الحرب، وتسريب معلومات بهدف الإضرار بأمن الدولة، والتهم دي ممكن توصل عقوبتها للسجن المؤبد أو الإعـ.ـدام!
لحد دلوقتي، محدش عارف بالضبط حجم المعلومات اللي اتسرّبت، ولا مدى الضرر الحقيقي اللي حصل.
يعني “القبة الحديدية” اللي إسرائـ.ـيـل شايفينها درعهم الأقوى وبتحميهم من آلاف الصواريخ ممكن تكون اتكشفت.. ومع كل سر خرج منها، في ضربة جاية.بـس كده، ولو وصلت لهنا متنساش تعمل شير للبوست عشان يوصل لغيرك ويستفاد.
هدى_عامر